ڈاکٹر اسلم جمشید پوری کی نئی کتاب دکھ نکلوا شائع ہو گئی ہے
(پریس ریلیز)
میرٹھ30؍ نومبر2013ء
شعبۂ اردو، چودھری چرن سنگھ یو نیورسٹی کے پریم چند سیمینار ہال میں ایک پریس کانفرنس منعقد ہو ئی۔پریس کانفرنس میں ڈاکٹر اسلم جمشید پو ری (صدر شعبۂ اردو،سی سی ایس یو)کی ہندی کہانیوں کا نیا مجمو عہ جو ’’دکھ نکلوا‘‘ کے نام سے شائع ہوکر آ یا ہے پر تفصیلی روشنی ڈالی گئی۔’’دکھ نکلوا‘‘ ڈاکٹر اسلم جمشید پوری کی مشہور تصنیف ’’لینڈرا‘‘ ،جسے قومی و بین الاقوامی شہرت حاصل ہوئی ،کا ہندی روپ ہے۔مجمو عی طور پر یہ ان کی انیسویں کتاب ہے۔اس سے قبل ان کی متعدد کتابیں تنقید، تحقیق،ترتیب و تالیف پر آچکی ہیں۔ساتھ ہی ساتھ ان کے افسا نوں کے کئی مجمو عے مثلا’’افق کی مسکراہٹ‘‘،’’ممتا کی آواز‘‘،’’جاگتی آ نکھوں کا خواب‘‘،’’لینڈرا‘‘،’’کہانی محل‘‘ وغیرہ منظر عام پر آ چکی ہیں۔
’’دکھ نکلوا‘‘ کی زیا دہ تر کہا نیاں قومی و بین الاقوامی اخبا رات و رسائل میں شائع ہو چکی ہیں اور کئی کہانیوں کو مختلف انعا مات سے بھی نوازا جا چکا ہے۔
’’دکھ نکلوا‘‘ کے اردو روپ’’ لینڈرا‘‘ پر اسکندریہ یو نیورسٹی، مصر اور شعبۂ اردو جموں یو نیورسٹی جموں میں تحقیقی و تنقیدی کام ہو رہاہے۔ ڈاکٹر اسلم جمشید پو ری کی اس کتاب کو میرٹھ کے معروف ہندی پبلشر روی پبلشرز نے شائع کیا ہے اور ارشاد علی نے کتاب کا دیدہ زیب اور معنی خیز سر ورق تیار کیا ہے۔
پریس کانفرنس کو ڈاکٹر اسلم جمشید پوری،کتاب کے پبلشر منیش جین اور معروف سر ورق ڈیزائنر ارشاد علی نے خطاب کیا۔اس مو قع پر ڈاکٹر آصف علی اور سعید احمد سہارنپوری بھی موجود تھے۔